Bayraqdar.info – Dövlət Toxum Fondu və Əkinçilik, Tərəvəzçilik Elmi-Tədqiqat İnstitutu ilə birgə növbəti təlim Xaçmaz Dövlət Aqrar İnkişaf Mərkəzində (DAİM) keçirilib.
Oktyabrın 13-də Kənd Təsərrüfatı Nazirliyindən bayraqdar.info-ya verilən xəbərdə belə deyilir.
“Təlimdə Dövlət Toxum Fondunun mütəxəssisləri, Əkinçilik, Tərəvəzçilik Elmi-Tədqiqat İnstitutlarının alimləri, bölgə fermerləri, toxumçular, təsərrüfat rəhbərləri iştirak ediblər.
“Təlimdə iştirak etmiş fermerlərə payızlıq taxıl səpinində aqrotexniki tədbirlərin vaxtında və düzgün aparılması, bölgədə kənd təsərrüfatı bitkilərindən yüksək məhsul alınmasını təmin edən becərmə texnologiyalarının tətbiq edilməsi və səpin barədə məlumat verilib. Bölgənin torpaq-iqlim şəraitinə uyğun sortların seçilməsi və tətbiqi, müasir torpaq becərmələri, tətbiq olunan sortlar, səpinin elmi əsaslarla aparılma qaydaları, səpin müddəti, səpin norması və s. haqqında məsləhətlər verilib.
“Təlimdə fermerləri maraqlandıran suallar ətraflı cavablandırılıb və geniş müzakirələr aparılıb, maarifləndirici kitabçalar paylanılıb”, – deyə Nazirlikdən bildirilib.
Nazirlik qeyd edir ki, növbəti təlim-seminarların Ağcabədi və Şəki rayonlarında keçirilməsi nəzərdə tutulub.
