Bayraqdar.info – Oktyabrın 7-də axşam Qırğızıstanda Qazaxıstan mədəniyyəti günlərinin açılışı olub. Açılışda ölkə Prezidenti Sadır Caparov da iştirak edib.
Bu haqda xəbəri bayraqdar.info-ya Qırğızıstan Prezidentinin Administrasiyasından veriblər.
Açılış mərasimi Toktogül Satılqanov adına Qırğız Milli Filarmoniyasında keçirilib.
Açılışa həsr edilmiş konsert proqramında iki ölkənin incəsənət xadimləri çıxışlar edib. Onların arasında SSRİ Xalq artisti Alibek Dnişev, Qazaxıstanın Xalq artisti və Əmək qəhrəmanı Roza Rımbayeva, Qazaxıstanın Xalq artistləri Altınbek Korazbayev, Makpal Junusova, Nurjamal Usenbayeva, Abay adına Qazaxıstan Dövlət Akademik Opera və Balet Teatrı, Qurmanqazı adına Qazaxıstan xalq çalğı alətləri milli orkestri, “Astana balet” Teatrı, dombraçılar ansamblı, “Arlan” milli ənənələr teatrı, “Turan” folklor-etnoqrafik ansamblı, “MuzArt” estrada qrupu tamaşaçıları sevindirib.
Açılış mərasimi ölkənin TV kanallarında canlı yayımlanıb.
