Bayraqdar.info – Norveçin paytaxtı Osloda güləş üzrə dünya çempionatı davam edir.
Azərbaycan Güləş Federasiyasından bayraqdar.info-ya verilən xəbərdə bildirilir ki, oktyabrın 8-də 60, 97 və 130 kiloqram çəki dərəcələrində çıxış edən yunan-Roma güləşçiləri mübarizəyə qoşulublar.
“Millinin 3 üzvü bu gün xalça üzərinə çıxacaq. Güləşçilərdən Murad Məmmədov (60 kq) macarıstanlı Kriştian Keçkemeti, Murad Lokyayev (97 kq) İsveç təmsilçisi Pontus Lund, Beka Kandelaki (130 kq) isə Stepan David (Çexiya) ilə qarşılaşacaq.
“Xatırladaq ki, dünya çempionatında Azərbaycanın sərbəst güləşçilərindən Abubakr Abakarov (86 kq) və Osman Nurməhəmmədov (92 kq) bürünc medal qazanıb. Qadın güləşçilər isə yarışı medalsız başa vurub.” Xəbərdə belə qeyd edilir.
