Bayraqdar.info – Azərbaycan Vəkillər Kollegiyasının sədri Anar Bağırovun bugünlərdə qardaş Qırğızıstana səfəri həm onun, həm də onun şəxsində Azərbaycanın bu ölkədə növbəti dəfə rəğbət qazanmasına səbəb olub.
Qırğızıstan Prezidenti Sadır Caparovun da qatıldığı toplantıda A.Bağırovun çıxışına qırğız dilində başlaması hər kəsi ciddi şəkildə məmnun edib. Kadrlardan da göründüyü kimi, S.Caparovun özü də bu yanaşmadan olduqca məmnundur.
A.Bağırov çıxışında onu da qeyd edib ki, hələlik çıxışını rus dilində davam etdirməli olsa da bir sonrakı toplantıda qırğız dilində çıxış edəcək. Təbii ki, bir Azərbaycanlının belə yanaşması qırğızların fövqəladə məmnunluğuna səbəb olub.
