Bayraqdar.info – Şərqi Azərbaycan əyalətinin Marağa şəhərində hökumət məmurları gənc qadınlara hicab qaydalarını pozduqlarına görə fiziki təzyiq göstərib.
Sosial şəbəkədə bu zorakılıq faktını əks etdirən video da yayılıb.
Məlumata görə, hadisə oktyabrın 1-də baş verib. Məmurlar qadınlara hücum edərək onları polis avtomobilinə mindirməyə çalışıblar.
Məmurların iradlarının yersiz olduğunu bildirən marağalı qadınlar onlar tərəfindən təhqir edilib və zorakılığa məruz qalıblar.
İstifadəçilər qadınların döyülməsində xüsusi qəddarlığı ilə seçilən şəxsin “Hidayəti” adında birisi olduğunu yazır, onun bundan öncə də etdiyi oxşar hərəkətlərə görə Marağada tanındığını qeyd edirlər.
Bir müddət bundan öncə isə Qərbi Azərbaycan əyalətinin Urmu şəhərində iki gənc qız hicabsızlığa görə İranın yarım hərbi “Bəsic” qüvvələrinin üzvlərindən birinin hücumuna məruz qalmışdı.
“Bəsic” üzvü idarə etdiyi şəxsi minik avtomobilini gənclərin üstünə sürərək onların ikisinə də xəsarət yetirmişdi. Hücum nəticəsində qızlardan biri ağır bədən xəsarətləri ilə Urmu xəstəxanasına yerləşdirilmişdi.
Qaynaq: GünAz.TV
Qeyd: Videoya yalnız YouTube səhifəsində baxmağa izn verilir.
https://www.youtube.com/watch?v=7d_qElBBk3o
