Bayraqdar.info – Azərbaycanın 17 yaşadək futbolçulardan ibarət milli komandasının oktyabrın 6-da Norveç yığması ilə keçirməli olduğu Avropa çempionatının seçmə oyunu qeyri-müəyyən müddətə təxirə salınıb.
Bu barədə AFFA xəbər yayıb.
“Hazırda Belçikada səfərdə olan yığmanın 3 futbolçusunun – Həmzəalı Mikayılov (müdafiəçi, “Sabah”), Adəm Topalov (yarımmüdafiəçi, “Səbail”) və İbrahim Ağayarov (yarımmüdafiəçi, “Qarabağ”) – COVID-19 testi pozitiv nəticələnib.
“Bununla əlaqədar, Belçikanın daxili qanunları nəzərə alınaraq, millinin digər üzvlərindən daha bir dəfə COVID-19 testi götürüləcək.
Məsələ ilə bağlı əlavə məlumat veriləcək”, – deyə AFFA-nın xəbərində bildirilib.
