Bayraqdar.info – Azərbaycanın qılıncoynatma idman növü üzrə şpaqaçıları Macarıstanın paytaxtı Budapeşt şəhərində keçirilən yeniyetmələrin beynəlxalq “Cadet Circuit” turnirində iştirak ediblər.
Bu barədə bayraqdar.info-ya oktyabrın 6-da Milli Olimpiya Komitəsindən xəbər verilib.
“Qızların şəxsi yarışında Nazilə Rəhimova, Alfiya Abdinova, Xədicə Həsənli və Aynur Quliyeva qrup mərhələsini uğurla adlayaraq play off-a yüksəlib. Nəzrin Mehdiyeva isə mübarizəni erkən dayandırıb. Play off-da ardıcıl 3 qələbə qazanan N.Rəhimova səkkizdə bir finalda Rusiya təmsilçisi Anna Maksimenkoya 8:15 hesabı ilə uduzaraq 160-dan çox iştirakçı arasında 16-cı olub. Play off-a yüksələn digər şpaqaçılarımız isə ilk görüşdə məğlub olaraq çıxışlarını başa vurub. Komanda yarışında qız şpaqaçılarımız Ukraynanın 3-cü komandasına 39:45 hesabı ilə uduzub.
“Oğlanların şəxsi mübarizəsində isə Orxan Həsənli və Raul Aruslanov qrup mərhələsini adlasa da, play off-da keçirdikləri ilk görüşdə məğlub olublar”, – deyə xəbərdə qeyd edilib.
