Bayraqdar.info – Oktyabrın 2-də təhsil naziri Emin Əmrullayev 2020-2021-ci tədris ili üzrə beynəlxalq fənn olimpiada qalibləri ilə görüşüb.
Təhsil Nazirliyindən bayraqdar.info-ya bildirilib ki, görüşdə 24 nəfər beynəlxalq fənn olimpiada qalibi və olimpiadalara hazırlıq komandalarının rəhbərləri iştirak edib.
E.Əmrullayev olimpiada hərəkatının üzvü olan hər bir gəncin gələcəkdə ölkənin ən yaxşı mütəxəssisinə çevriləcəyinə inamını ifadə edib. Nazir bildirib ki, xüsusi istedadlı gənclər onlarda olan bacarığı düzgün istiqamətləndirməyi bacarmalıdır.
Daha sonra olimpiada qaliblərinə hədiyyələr təqdim olunub.
Nazirlik qeyd edir ki, ötən tədris ilində məktəblilərimiz müxtəlif yaş qrupları üzrə müxtəlif miqyaslı olimpiadalardan ümumilikdə 53 medal – 6 qızıl, 15 gümüş, 32 bürünc və 10 həvəsləndirici mükafat qazanıblar.
