Bayraqdar.info – Dövlət İmtahan Mərkəzindən avqustun 30-da bayraqdar.info-ya verilən xəbərə görə, 30 avqust saat 10:00-a olan məlumata əsasən I-V ixtisas qrupları üzrə 58 min 207 elektron ərizə təsdiq edilib.
“2 min 431 elektron ərizə isə yadda saxlanılsa da hələlik təsdiq edilməyib. İxtisas seçimi avqustun 30-u saat 23:59-dək davam edəcək.
“İxtisasları seçib hələ təsdiq etməyən, eləcə də, müsabiqədə iştirak etmək istəyən, lakin hələ ixtisas seçimi etməmiş digər abituriyentlərə (subbakalavrlara) tövsiyə olunur ki, qeyd olunan müddətə qədər ərizələrini təsdiq etsinlər.
“Müsabiqədə yalnız elektron ərizələrini təsdiq etmiş abituriyentlər (subbakalavrlar) iştirak edə biləcəklər”, – deyə xəbərdə qeyd edilir.
