Bayraqdar.info – Azərbaycan para-atleti Səid Nəcəfzadə Tokio Paralimpiadasının bürünc medalına sahib olub.
Bu haqda bayraqdar.info-ya avqustun 30-da Gənclər və İdman Nazirliyindən bildirilib.
Xəbərdə qeyd edilir ki, Azərbaycan idmançısı uzunluğa tullanma yarışlarında gücünü sınayıb və 7,03 metrlik nəticə göstərib. Yarışın qalibi 7,21 m göstərici ilə iranlı Amir Xosravani olub.
“Digər idmançı Kamil Əliyev isə 6,89 m nəticə ilə yarışı beşinci pillədə başa vurub.
“Azərbaycan komandasının hesabında 13 medal var. Onlardan 9-u qızıl, 4-ü isə bürünc medaldır. Belə ki, paracüdoçular Şəhanə Hacıyeva (48 kq), Sevda Vəliyeva (52 kq), Xanım Hüseynova (63 kq), Vüqar Şirinli (60 kq), Hüseyn Rəhimli (81 kq), Dürsədəf Kərimova (70 kq-dan yuxarı) qızıl, Namiq Abaslı (66 kq) və İlham Zəkiyev (100 kq-dan yuxarı) bürünc medala sahib olublar.
“Yüz metr məsafəyə üzgüçülük yarışlarında Raman Saleh Paralimpiya çempionu adını qazanıb. Nizə atma yarışlarında dünya rekordu müəyyənləşdirən para-atletçi Həmid Heydəri qızıl medala sahib olub. Para-atlet Elvin Astanov nüvə itələmə yarışlarında birinci, Səid Nəcəfzadə isə uzunluğa tullanmada üçüncü yeri tutub. Ağırlıqqaldıran Pərvin Məmmədov (49 kq) isə fəxri kürsünün üçüncü pilləsinə qalxıb.
““Tokio-2020”də ölkəmizi idmanın 6 növündə 47 kateqoriya üzrə rekord sayda – 36 idmançı təmsil edir. Atletlərimizin 24-ü kişi, 12-si qadındır.
“Qeyd edək ki, XVl Yay Paralimpiya Oyunları sentyabrın 5-dək davam edəcək”, – deyə xəbərdə bildirilir.
