Bayraqdar.info – Müdafiə naziri, general-polkovnik Zakir Həsənov Türkiyə Cümhuriyyətinin milli müdafiə naziri Hulusi Akara və baş qərargah rəisi, ordu generalı Yaşar Gülerə təbrik məktubu ünvanlayıb.
Bu barədə bayraqdar.info-ya avqustun 30-da Müdafiə Nazirliyindən xəbər verilib.
Məktubda deyilir: “Sizi, ailənizi və tabeliyinizdə olan şəxsi heyəti Zəfər Bayramı və Türk Silahlı Qüvvələri Günü münasibətilə ürəkdən təbrik edir, Sizə cansağlığı, uzun ömür, ailə səadəti, çətin və şərəfli işinizdə müvəffəqiyyət arzulayıram.
“Əminəm ki, dost və qardaş Türk Silahlı Qüvvələri bütün çətinliklərdən layiqincə çıxacaq və qurumlarımız arasında mövcud əməkdaşlığımız bundan sonra daha da genişləndiriləcək və möhkəmləndiriləcəkdir.
“Fürsətdən istifadə edərək Sizə hörmət və ehtiramımı izhar edirəm”, – deyə xəbərdə qeyd edilir.
Əlavə edək ki, avqustun 30-da qardaş Türkiyədə Zəfər Bayramı qeyd edilir. 99 il öncə – 1922-ci ilə təsadüf edən bu gün böyük öndər Mustafa Kemal Atatürkün başçılığı altında Türkiyə Cümhuriyyətinə gedən yolda ən önəmli qələbələrdən biri kimi tarixə düşüb.
