Press "Enter" to skip to content

“Vüqar Həşimov” şahmat klubu Avropa Kubokunda

Bayraqdar.info – Şahmat üzrə “Vüqar Həşimov” klubu sentyabrda Şimali Makedoniyada keçiriləcək 36-cı Avropa Kubokunda iştirak edəcək.

Bu barədə məlumat bayraqdar.info-ya avqustun 25-də Azərbaycan Şahmat Federasiyasından verilib.

Məlumatda bildirilir ki, klubun heyətində Avropa çempionu Rauf Məmmədov, Kiril Şevçenko, Vüqar Əsədli, yeniyetmələrin dünya birinciliyinin qalibi, Ümumdünya Şahmat Olimpiadasının qızıl medalçıları Aydın Süleymamlı və Əhməd Əhmədzadə, eləcə də Ülvi Sadıqov və Murad İbrahimli yer alacaq. Komandanın kapitanı FIDE məşqçisi, əməkdar məşqçi Anar Allahverdiyev olacaq.

Federasiyadan qeyd edilib ki, Avropa Kuboku 17-25 sentyabrda Şimali Makedoniyanın Ştruqa şəhərində təşkil olunacaq.

“Xatırladaq ki, 2020-ci ildəki yarış pandemiya səbəbindən keçirilməyib”, – deyə Federasiyadan bildirilir.

Mission News Theme by Compete Themes.