Bayraqdar.info – “Tokio-2020” XVI Yay Paralimpiya Oyunlarının cüdo yarışlarında mübarizə aparacaq idmançıların ilk görüşlərdəki rəqibləri müəyyənləşib.
Bu barədə bayraqdar.info-ya avqustun 25-də Azərbaycan Milli Olimpiya Komitəsindən xəbər verilib.
“Paralimpiyaçı Şəhanə Hacıyeva (48 kq) yaponiyalı Hanqai Şizuka, Bəsti Səfərova (52 kq) yerli idmançı Fucivara Yui ilə qarşılaşacaqlar.
Habelə, 57 kiloqram çəkidə mübarizə aparacaq Sevda Vəliyeva Dayana Fedossova və Xusan Kizi Xaitxon ilə “döyüşəcək”. Xanım Hüseynova (63 kq) Kudo Hiroko – Mutia Liana duelində üstün olan tərəflə görüşəcək. Dürsədəf Kərimovanın (+70 kq) rəqibi ukraynalı Anastasiya Harnik olacaq.
“Kişi cüdoçularından Vüqar Şirinli (60 kq), Borges Henri və Recep Çiftçi arasında baş tutacaq qarşılaşmanın qalibi ilə üz-üzə gələcək. Namiq Abaslının (66 kq) rəqibi İbanez Banon – Perez Luis Jabdiel görüşündə qələbə qazanan idmançı olacaq. Hüseyn Rəhimli (81 kq) Daniel Pauel – Pereira Arruda Harli Damiao qarşılaşmasının qalibi, Kənan Abdullaxanlı (100 kq) özbək Şərif Xəlilov, İlham Zəkiyev isə britaniyalı (+100 kq) Hodqson Cek ilə görüşəcəklər, – deyə MOK qeyd edir.
