Bayraqdar.info – Təhsil Nazirliyinin SABAH qruplarında 2021-2022-ci tədris ilinin payız semestrində müxtəlif fənlərin tədrisini aparmaq məqsədilə professor-müəllim heyəti və mütəxəssislərin işə qəbulu ilə əlaqədar müraciətlərin qəbulu prosesi avqustun 29-dək davam edəcək.
Bu barədə avqustun 25-də bayraqdar.info-ya Təhsil Nazirliyindən xəbər verilib.
“İştirak etmək istəyən namizədlər 29 avqust saat 00:00-dək müraciət edə bilərlər. Müsabiqədə magistr dərəcəsi, yüksək səviyyədə İKT və sahə bilikləri olan, innovativ tədris metodlarından istifadə edə bilən, eyni zamanda müasir pedaqoji yanaşmalara malik, dinamik, pozitiv və ünsiyyətcil namizədlər iştirak edə bilərlər”, – deyə Nazirliyin xəbərində bildirilir.
Müsabiqə barəsində ətraflı məlumatı bu keçid vasitəsiylə əldə etmək olar.
