Bayraqdar.info – Azərbaycan tankçıları Rusiyanın Moskva şəhərində “Beynəlxalq Ordu Oyunları-2021” yarışları çərçivəsində keçirilən “Tank biatlonu” müsabiqəsində ilk yarışa başlayıblar.
Bu barədə avqustun 25-də Müdafiə Nazirliyindən bayraqdar.info-ya məlumat verilib.
Məlumatda bildirilir ki, Azərbaycan tankçıları müsabiqənin “Fərdi sürmə” mərhələsində Qazaxıstan, Belarus və Serbiyadan olan komandalarla birlikdə güclərini sınayıblar.
Şərti hədəfləri sərrast atəşlə məhv edərək marşrut üzrə müəyyənləşdirilmiş məsafəni qət edən Azərbaycan tankçıları öz qrupunda ikinci olublar.
