Bayraqdar.info – Avqustun 23-də Qırğızıstan Prezidenti Sadır Caparov “Əsassız (yalan) informasiyadan müdafiə haqqında” qanunu imzalayıb.
Bu haqda xəbəri bayraqdar.info-ya eyni gündə ölkənin Prezident Administrasiyasından veriblər.
Xəbərdə deyilir ki, ölkə Konstitusiyası hər bir şəxsin şərəf və ləyaqətinin qorunmasını təmin edir. Bu qanunun imzalanması isə o deməkdir ki, dövlət qeyd olunan hüququn ağlabatan şəkildə təminatı üçün gərəkli hüquqi çərçivə müəyyən edir.
Yeni qanun yalan (əsassız) informasiya yaymış subyektlə o informasiyadan əziyyət çəkən subyekt arasındakı münasibətləri tənzim edəcək.
Bu qanunla hər bir fərd özünü müdafiə məqsədilə internet məkanındakı informasiya resursuna əlavə birbaşa müraciət imkanı qazanır.
Qanunun yaratdığı imkan dəyə biləcək zərərin minimuma endirilməsini təmin edir. Qanun avqustun 23-dən qüvvədədir.
