Bayraqdar.info – Noyabrın 20-21-də “Uşaq hüquqları” hakatonu keçiriləcək. Hakaton Təhsil Nazirliyi, Gənclər və İdman Nazirliyi, Ailə, Qadın və Uşaq Problemləri üzrə Dövlət Komitəsi və “Regional İnkişaf” İctimai Birliyinin birgə təşkilatçılığı ilə keçirilir.
Təhsil Nazirliyindən bayraqdar.info-ya verilən xəbərdə bildirilir ki, hakatonun məqsədi uşaq hüquqları ilə bağlı maarifləndirməni həyata keçirməkdir.
“Hakatonda uşaq hüquqları sahəsində mövcud problemlərin innovativ yollarla həllini təşviq etmək, həmçinin, hakaton iştirakçılarına komandada işləyərək son texnologiyalar və yenilikləri sınaqdan keçirmək imkanı öyrədiləcək.
“İştirakçılar 24 saat ərzində bu sahədə mövcud problemlərin həllinə yönəlmiş innovativ yolları tapmağa çalışacaqlar. Hər biri 4 nəfərdən ibarət olacaq komandalar verilən müddət ərzində mentorların dəstəyi ilə ideyalarını layihə şəklində formalaşdıracaqlar.
“Hakatonun mövzuları təhsil, sağlamlıq hüququ, zorakılıqdan müdafiə hüququ və ailədə yaşamaq və tərbiyə almaq hüququndan ibarət olacaq.
“Uşaq hüquqları haqqında məlumatlı təşəbbüskar, komandada işləməyi bacaran, motivasiyalı 10-16 yaşlı uşaqlar/məktəblilər hakatonda iştirak edə bilərlər. İştirak üçün qeydiyyatdan keçmək mümkündür.
“Qeydiyyat üçün son tarix 15 sentyabr 2021-ci il nəzərdə tutulub.
“Qeyd edək ki, hakatonda ilk 3 yeri tutan komandanın hər bir üzvünə aşağıdakı mükafatlar təqdim ediləcək:
I yer – kompüter
II yer – planşet
III yer – ağıllı saat”, – deyə Nazirliyin xəbərində qeyd edilir.
