Bayraqdar.info – Xəbər verildiyi kimi, Prezident İlham Əliyevin tapşırığına uyğun olaraq Türkiyədə baş vermiş meşə yanğınları ilə mübarizə məqsədilə qardaş ölkəyə Azərbaycan Fövqəladə Hallar Nazirliyinin yanğın-xilasetmə qüvvələri göndərilmişdi. Artıq yangınsöndürənlər avqustun 16-dan etibarən hissə-hissə Azərbaycana qayıdır.
“Qardaş Türkiyədə yanğınların söndürülməsi ilə bağlı tapşırıqları uğurla yerinə yetirən və quru yolu ilə geri qayıdan FHN-in xüsusi texnika və canlı qüvvəsindən ibarət sonuncu qrup da avqustun 19-da səhər saatlarında ölkə ərazisinə daxil olub.”
Xəbər bayraqdar.info-ya avqustun 19-da FHN-in Mətbuat xidmətindən verilib.
“Hazırda həmin qüvvələr daimi dislokasiya yerlərinə doğru istiqamət alıb.
“Xatırladaq ki, FHN-in yanğın-xilasetmə qüvvələrinin ilk iki qrupu təyyarə ilə 16 avqust 2021-ci il tarixində ölkəyə qayıdıb”, – deyə Nazirliyin xəbərində qeyd edilir.
