Bayraqdar.info – Xəbəri avqustun 18-də Azərbaycan Müdafiə Nazirliyi özünün sosial media hesabı üzərindən yayıb.
“Avqustun 17-də Azərbaycan Respublikasının müdafiə naziri general-polkovnik Zakir Həsənov İstanbul şəhərində keçirilən IDEF – 2021 Beynəlxalq Müdafiə Sərgisinə səfər çərçivəsində Türkiyə Respublikasının milli müdafiə naziri cənab Hulusi Akarla görüşüb.
“Görüşdə tərəflər müdafiə sənayesi sahəsində əməkdaşlığın inkişaf etdirilməsinin vacibliyini qeyd edib, regional təhlükəsizlik, ikitərəfli münasibətlər, eləcə də maraq doğuran digər məsələlər barədə fikir mübadiləsi aparıblar”, – deyə xəbərdə bildirilir.
