Bayraqdar.info – Azərbaycan gələn ilin oktyabr ayında Çinin Şanxay şəhərində keçiriləcək “WorldSkills” hərəkatının ən ali tədbiri olan “Shanghai2022” bacarıq olimpiadasında iştirak edəcək.
Peşə Təhsili üzrə Dövlət Agentliyindən bayraqdar.info-ya bildirilib ki, Azərbaycan beynəlxalq yarışda üç bacarıq istiqaməti üzrə təmsil olunacaq.
“Xatırladaq ki, dünyada müxtəlif bacarıq istiqamətləri üzrə olimpiya yarışlarının təşkilatçısı kimi tanınan “WorldSkills” hərəkatı əmək bazarının tələblərinə və qlobal standartlara uyğun peşəkarlar yetişdirmək, həmin standartları təhsil sisteminə inteqrasiya etdirmək imkanı yaradır.
“Azərbaycan 2020-ci ildə peşə bacarıqlarını beynəlxalq səviyyədə təbliğ edən “WorldSkills” hərəkatına qoşulub”, – deyə xəbərdə qeyd edilir.
