Son yeniləmə: 16 Avqust 2021 14:26
Bayraqdar.info – Peşə təhsili müəssisələrinə 2021-2022-ci tədris ili üzrə tələbə qəbulu davam edir.
Təhsil Nazirliyindən bayraqdar.info-ya avqustun 16-da verilən xəbərdə bildirilir ki, avqustun 10-dan 16-sı saat 10:00-dək 6 min 891 nəfər peşə təhsilinə qəbul üçün elektron qeydiyyatdan keçib.
Nazirlik qeyd edir ki, peşə təhsili almaq istəyən şəxslər avqustun 20-nə kimi portal.edu.az platforması vasitəsilə qeydiyyatdan keçməlidirlər. Qeydiyyatdan keçmiş müraciətçilərin elektron ərizələrindəki məlumatların doğruluğu yoxlanıldıqdan sonra iştirakçının ixtisaslar üzrə seçimi sistem tərəfindən təsdiqlənir. Qəbul ərizəçinin attestatında göstərilən müvafiq fənlər üzrə qiymətlərinin orta balı əsasında həyata keçirilir. Tələbə qəbulu prosesində iştirak edən hər bir şəxsə maksimum 5 ixtisas üzrə seçim etmək imkanı yaradılır.
“Müraciət edən şəxslərin nəticələri barədə məlumatın “Şəxsi kabinetim” bölümündə yerləşdirilməsi və SMS bildiriş vasitəsilə də təqdim edilməsi nəzərdə tutulur. Müsabiqədən uğurla keçən namizədlər növbəti mərhələdə qəbul olunduqları müəssisəyə sənədlərin əslinin təqdim edilməsi üçün dəvət olunacaqlar”, – deyə Nazirliyin xəbərində bildirlir.
