Son yeniləmə: 12 Avqust 2021 10:34
Bayraqdar.info – “Ermənistan silahlı qüvvələrinin bölmələri avqustun 11-i saat 22:20-dən etibarən avqustun 12-si saat 00:05-dək Çəmbərək rayonunun Çəmbərək, Tucur, eləcə də Basarkeçər rayonunun Aşağı Şorca yaşayış məntəqələrində yerləşən mövqelərindən Gədəbəy rayonunun Zamanlı, Qaravəllər, o cümlədən, Kəlbəcər rayonunun Zəylik yaşayış məntəqələri istiqamətində yerləşən Azərbaycan Ordusunun mövqelərini fasilələrlə atıcı silahlardan atəşə tutub”.
Müdafiə Nazirliyindən avqustun 12-də bayraqar.info-ya verilən məlumat bu sözlərlə başlayır.
Məlumatda bildirilir ki, Azərbaycan Ordusunun şəxsi heyəti arasında həlak olan və yaralanan yoxdur.
“Əməliyyat şəraiti Azərbaycan bölmələrinin nəzarəti altındadır”, – deyə Nazirlik qeyd edir.
