Bayraqdar.info – Avqustun 12-də çağdaş Azərbaycan poeziyasının ən görkəmli nümayəndələrindən biri – Xalq şairi Qabilin anadan olmasının 95-ci ildönümüdür.
Şairin 95 illiyi münasibətilə M.F.Axundzadə adına Azərbaycan Milli Kitabxanasının əməkdaşları tərəfindən “Xalq şairi Qabil – 95” adlı virtual sərgi hazırlanıb.
Kitabxanadan bayraqdarinfo-ya bildirilib ki, sərgidə görkəmli şairin həyat və yaradıcılığı haqqında materiallar, mükafatları, əsərləri, fotolar nümayiş olunur.
“Qeyd edək ki, onun yaradıcılığı rəngarəng və çoxşaxəlidir. Əsərlərində həm lirik ovqata köklənmiş məhəbbət və əsrarəngiz təbiətin tərənnümü, həm də fərdi psixoloji durumdan doğan poeziya nümunələri istənilən qədərdir. Saf, müqəddəs məhəbbət və abşeronlu, qarabağlı, muğanlı, milli, şirvanlı, şəkili Azərbaycan təbiəti şairin əbədi, tükənməyən ilham qaynaqları olmuşdur”, – deyə xəbərdə bildirilir.
