Bayraqdar.info – 2021/2022-ci tədris ilində Azərbaycan Dövlət Aqrar Universitetinə (ADAU) magistr səviyyəsinə Azərbaycan və rus bölmələri üzrə qəbul aparılıb.
Kənd Təsərrüfatı Nazirliyindən bayraqdar.info-ya verilən xəbərdə qeyd edilib ki, Universitetin magistratura səviyyəsinə qəbul 28 ixtisas olmaqla 77 ixtisaslaşmanı əhatə edib. Təsdiq olunmuş qəbul planında bu pillədə təhsil almaq üçün 330 yer nəzərdə tutulub.
“Magistratura səviyyəsinə keçirilən qəbul imtahanının nəticələrinə əsasən, 311 tələbə dövlət sifarişli və ödənişli əsaslarla ADAU-ya qəbul olunub. Qəbul olunanların sayına əsasən qəbul planı 94,2 faiz dolub”, – deyə Nazirlikdən bildirilir.
