Bayraqdar.info – Müdafiə Nazirliyindən verilən xəbərə görə, “avqustun 2-si saat 03:27 radələrində Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini atıcı silahlardan atəşə tutub”.
Nazirlik bildirir ki, Azərbaycan Ordusunun şəxsi heyəti arasında itki yoxdur və cavab atəşi ilə qarşı tərəf susdurulub.
“Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır”, – deyə Nazirlikdən əlavə ediblər.
