Bayraqdar.info – Ali təhsil müəssisələrinə subbakalavrlardan ərizə qəbulu avqustun 10-dək internet vasitəsilə aparılır. Bitirdikləri ixtisasa müvafiq xüsusi qabiliyyət tələb edən ixtisaslar üzrə ali təhsil almaq istəyən subbakalavrlar isə iyulun 23-dək ərizələrini təsdiq etməlidirlər.
Bu barədə iyulun 23-də bayraqdar.info-ya Dövlət İmtahan Mərkəzindən (DİM) məlumat verilib.
Məlumatda bildirilib ki, subbakalavrlar DİM-in internet saytında Şəxsi kabinet yaratdıqdan sonra “Subbakalavrın elektron ərizəsi” formasını təsdiq edə bilər.
DİM-dən bildirilir ki, iyulun 23-ü saat 10:25-ə olan məlumata görə, 12 min 174 subbakalavr elektron ərizəsini təsdiqlədib.
