Son yeniləmə: 15 İyul 2021 12:51
Bayraqdar.ino – İyulun 15-də saat 16:00-da DİM-in Youtube kanalı və Facebook səhifəsi vasitəsilə II və III ixtisas qrupları üzrə keçirilən qəbul imtahanları ilə əlaqədar canlı yayım ediləcək.
Canlı yayımda Mərkəzin məsul əməkdaşları, ekspertlər tərəfindən imtahanlarda istifadə olunmuş test tapşırıqları və sualların düzgün cavabları ilə bağlı geniş məlumat veriləcək.
Dövlət İmtahan Mərkəzindən iyulun 15-də bayraqdar.info-ya verilən məlumatda belə deyilir.
“Canlı yayım zamanı sizi maraqlandıran sualları müvafiq postun altına yaza və ya info@dim.gov.az elektron poçtuna göndərə bilərsiniz. Sualınıza dolğun cavab tapmaq istəyirsinizsə, onu tam aydın və dəqiq ifadə etməlisiniz. İmtahan tarixi, bölmə, ixtisas qrupu, fənn, test tapşırığının nömrəsi qeyd olunmalıdır. Qeyd edək ki, bu günkü imtahanda istifadə olunan qapalı və kodlaşdırıla bilən açıq tipli test tapşırıqlarının doğru cavab etalonları canlı yayım zamanı təqdim olunacaq”, – deyə DİM-dən bildirilir.
