Bayraqdar.info – “Hökumətlərarası Təqaüd Proqramları” (HTP) məzunlarının ictimaiyyətə tanıdılması, eyni zamanda onların əldə etdiyi bilik və bacarıqların digərləri ilə paylaşılması məqsədilə təlimlərin keçirilməsinə başlanılıb.
Təhsil Nazirliyindən bayraqdar.info-ya bildirilib ki, iyulun 10-u saat 11:00-da keçiriləcək təlim proqramı “COVID-19 pandemiyasının iqtisadiyyata təsiri: Pandemiya – dünya iqtisadiyyatı üçün təhdid və ya yeni imkanlar?” mövzusuna həsr edilib.
Təlimçi HTP çərçivəsində 2016-2018-ci tədris illəri üzrə Macarıstanda magistratura təhsili almış Xədicə Abdullayevadır.
Təlimdə iştirak etmək üçün müvafiq link vasitəsilə qeydiyyatdan keçmək mümkündür.
Nazirlik qeyd edir ki, onlayn təlimə dair keçid yalnız qeydiyyatdan keçmiş şəxslərə göndəriləcək.
