Son yeniləmə: 5 İyul 2021 12:04
Bayraqdar.info – 2021/2022-ci tədris ili üçün ali təhsil müəssisələri və AMEA-nın magistraturalarına qəbul olunmaq üçün proqram və ixtisaslaşma seçimi iyulun 5-i saat 23:59-dək davam edəcək.
Bu barədə bayraqdar-a Dövlət İmtahan Mərkəzinin Mətbuat Xidmətindən xəbər verilib.
Bildirilib ki, iyulun 4-ü saat 10:55-ə olan məlumata əsasən, 12 min 754 bakalavr (Azərbaycan bölməsi üzrə 11 min 658, rus bölməsi üzrə 1 min 96) öz ərizəsini təsdiq edib.
İxtisaslaşmaları seçib hələ təsdiq etməyən, eləcə də müsabiqədə iştirak etmək istəyən, lakin hələ proqram və ixtisaslaşma seçimi etməmiş digər bakalavrlara tövsiyə olunur ki, göstərilən müddətə qədər ərizələrini təsdiq etsinlər.
DİM-dən bildirilir ki, müsabiqəyə yalnız “Bakalavrın elektron ixtisaslaşma seçimi ərizəsi”ndə ixtisaslaşmaları seçmiş və təsdiq etmiş bakalavrlar buraxılacaqlar.
