Bayraqar.info – Monteneqronun Budva şəhərində keçirilən “Montenegro Cup” beynəlxalq turnirində Təhsil Nazirliyinin İxtisaslaşdırılmış Olimpiya Ehtiyatları Uşaq-Gənclər Gimnastika Məktəbinin yetirmələri yüksək nəticə əldə edib.
Bu barədə bayraqdar.info-ya Nazirlikdən xəbər verilib.
12 ölkədən 200 nəfərdən çox gimnastın iştirak etdiyi yarışlarda Azərbaycanı 5 idmançı təmsil edib.
Uşaq yaş kateqoriyasında çıxış edən Aysel Rzayeva halqalar, Yelizaveta Yefremova gürzlər, Zəhra Tahirova alətsiz növlərdə qızıl medal qazanıb.
Yeniyetmələr üzrə Fəxriyyə Əliyeva gürzlə çıxışda bürünc medal qazanıb, Leyli İsmayılova isə top və halqalar çıxışı ilə turnirin ikiqat qalibi olub.
Nazirlikdən bildirilir ki, yeniyetmə yaş kateqoriyası üzrə çıxış edən hər iki gimnast Azərbaycan Milli komandasının üzvləridir.
Aərbaycan təmsilçiləri ümumilikdə 5 qızıl və 1 bürünc medala layiq görülüb.
