Bayraqdar.info – İyunun 29-da Prezident İlham Əliyev və Birinci xanım Mehriban Əliyeva “Courtyard by Marriott Baku” otelinin açılışında iştirak edib.
Dövlət başçısı və Birinci xanım oteldə yaradılan şəraitlə tanış olub.
Bu barədə məlumatı Prezidentin Mətbuat Xidməti yayıb.
Məlumatda oteldə 365 otağın, iclas, idman zalları və restoranın olduğu bildirilib. “Bu cür müasir otel kompleksinin istifadəyə verilməsi həm də Azərbaycanda qeyri-neft sektorunun inkişafına töhfə olmaqla yanaşı, paytaxtın sosial-iqtisadi inkişafında mühüm rol oynayır. Bu, otel biznesinin keyfiyyətcə yeni mərhələyə qədəm qoymasına şərait yaradır.
“Bu otel kompleksi Avropada və dünyada xüsusi imicə malik otellər şəbəkəsi tərəfindən inşa edilib. Son illər Azərbaycanda dünya brendlərinə məxsus bu cür otellərin istifadəyə verilməsi bölgənin iqtisadi mərkəzi sayılan Azərbaycanın turizm sahəsində də qabaqcıl sıralarda qərarlaşdığını göstərir”, – deyə məlumatda qeyd edilib.
