Bayraqdar.info – Təhsil Nazirliyinin birbaşa tabeliyində fəaliyyət göstərən lisey və gimnaziyalara mərkəzləşdirilmiş şəkildə keçirilmiş qəbul imtahanlarının nəticələri elan edilib.
Xəbər iyunun 25-də bayraqdar.info-ya Təhsil Nazirliyindən verilib.
Xəbərdə bildirilir ki, şagirdlər şəxsi kabinetlərinə daxil olaraq imtahan nəticələrini öyrənə bilər. Minimum 30 faiz nəticə göstərmiş şagirdlər seçim mərhələsinə buraxılıb.
Seçim mərhələsində iştirak hüququ qazanmış şagirdlər iyulun 5-i saat 17:00-dək lisey və gimnaziyalar arasından seçim etməlidir. Seçim etdikdən sonra onlar imtahan balı və qeyd etdikləri ardıcıllıq əsasında mərkəzi sistem tərəfindən müvafiq lisey və ya gimnaziyaya yerləşdiriləcək.
Qeyd olunmuş müddət bitdikdən sonra seçim etmək və ya seçimlərdə hər hansı dəyişiklik etmək mümkün deyil.
Nazirlik qeyd edir ki, qəbul imtahanlarının nəticələri ilə bağlı müraciətlər iyunun 29-dək info@olimpiada.edu.az elektron ünvanı vasitəsilə qəbul edilir.
