Bayraqdar.info – “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” məzunlarının ictimaiyyətə tanıdılması üçün təlimlər keçirilir. Eyni zamanda onların əldə etdikləri bilik və bacarıqların paylaşılması da diqqətdə saxlanılır.
Təhsil Nazirliyindən bayraqdar.info-ya verilən məlumatda bildirilir ki, iyunun 25-də saat 17:00-da baş tutacaq təlimin proqramı “Müqavilələrin idarəolunması proseduru” mövzusuna həsr edilib.
Təlimçi yuxarıda qeyd olunan Dövlət Proqramı çərçivəsində Fransanın Strasburq Universitetinin hüquq ixtisası üzrə magistratura pilləsindən məzun Maarifə Paşayevadır.
Nazirlikdən qeyd ediblər ki, onlayn təlimə dair keçid yalnız qeydiyyatdan keçmiş şəxslərə göndəriləcək.
