Bayraqdar.info – İyunun 24-ü saat 11:00-dan tədris digər dillərdə aparılan 1-ci siniflərə qəbulla bağlı müsahibələrdən uğurla keçmiş uşaqlar üçün məktəb seçiminə başlanılacaq.
Xəbər bayraqdar.info-ya iyunun 23-də Təhsil Nazirliyindən verilib.
Qeyd edilir ki, valideynlər (qanuni nümayəndə) portalda “Şəxsi kabinet”lərinə daxil olaraq müsahibələrdən uğurla keçmiş övladları üçün seçdikləri məktəbə sorğu yerləşdirə bilər.
Nazirlik xatırladır ki, aprelin 27-dən növbəti tədris ili üzrə 1-ci sinfə şagird qəbuluna başlanılıb. Şagirdlərin qəbulu prosesi e-portal vasitəsilə aparılır.
