Bayraqdar.info – Görkəmli bəstəkar Cahangir Cahangirovun doğum günü ilə əlaqədar “Qəlbləri fəth edən bəstəkar” adlı videoçarx hazırlanıb. Videoçarx Bakı Şəhər Mədəniyyət Baş İdarəsi Sabunçu rayon Mərkəzləşdirilmiş Kitabxana Sisteminin 8 nömrəli filialı tərəfindən təşkil edilib.
İdarədən bayraqdar.info-ya bildirilib ki, videoçarx kitabxananın sosial hesablarında izləyicilərə təqdim edilib.
Videoçarxda C.Cahangirovun yaradıcılığının çoxşaxəliliyi ilə seçildiyi qeyd edilir. “Bəstəkarın xor və instrumental musiqiləri, operaları, bir-birindən gözəl mahnıları, maraqlı əsərləri var. “Arazın o tayında” poeması, 12 hissəli “Dostluq mahnısı” kompozisiyası, “Azad” və “Xanəndənin taleyi” operalarının xor nömrələri, “Füzuli”, “Nəsimi”, “Aşıq Alı” kantataları, “Sabir” oratoriyasını göstərmək olar. Sadalanan əsərlərdən, xüsusilə “Füzuli” kantatası C.Cahangirova böyük şöhrət gətirib. O, kantatada böyük şairin möhtəşəm obrazını, onun daxili aləmini özünəməxsus təsirli və qəlb oxşayan musiqi dili ilə aça bilib”, – deyə xəbərdə bildirilir.
