Bayraqdar.info – Dövlət İmtahan Mərkəzində (DİM) beynəlxalq rus dili imtahanı (ТРКИ) təşkil edilib.
Dördüncü sertifikat səviyyəsini (ТРКИ-IV / C2) seçmiş namizəd üçün imtahan kompüter vasitəsilə keçirilib. Bir namizəd xarici dillər üzrə ümum-Avropa tövsiyə çərçivə sənədinin (CEFR) səviyyələri əsasında hazırlanmış ТРКИ imtahanının ən yuxarı səviyyəsi – C2 üzrə imtahan verib. İmtahan nəticələri 7 iş günündən sonra elektron poçt vasitəsilə namizədə göndəriləcək.
Bu barədə bayraqdar.info-ya iyunun 21-də DİM-in Mətbuat Xidmətindən məlumat verilib.
Məlumatda bildirilir ki, hazırda Azərbaycanda təşkil olunan beynəlxalq rus dili imtahanının yeganə rəsmi test mərkəzi DİM-dir.
