Bayraqdar.info – AMEA və Türkiyənin IKSAD təşkilatı tərəfindən “Qarabağ. Sosial və bəşəri elmlərdə modern araşdırmalar” adlı beynəlxalq onlayn konfrans keçirilib.
Xəbər bayraqdar.info-ya Milli Azərbaycan Tarixi Muzeyinin Mətbuat Xidmətindən verilib.
Konfransda Muzeyin əməkdaşı Sahibə Ələkbərova “İşğaldan azad edilmiş ərazilərdəki muzeylərin mövcud fəaliyyətinin öyrənilməsi və gənc muzeyşünasların tədris prosesində rolu” mövzusunda məruzə ilə çıxış edib.
S.Ələkbərova Qarabağ maddi-mədəniyyət nümunələrinin toplandığı muzeylərin gənc muzeyşünaslar tərəfindən təbliğ edilməsindən danışıb. O vurğulayıb ki, gənc nəslin doğma Vətənə, xalqa məhəbbət, soykökünə, ənənələrə sədaqət ruhunda tərbiyə olunmasında muzeylərin əhəmiyyəti danılmazdır.
