Bayraqdar.info – 2020-2021-ci tədris ilində peşə təhsili pilləsində tədrisin fasiləsizliyini teledərslər təmin edib. Həmçinin, distant tədris prosesinin təşkilində rol oynayan əsas dəstəkləyici alət də teledərslər olub.
Bu barədə bayraqdar.info-ya Təhsil Nazirliyindən məlumat verilib. Bildirilib ki, ötən tədris ilində ixtisas və baza modulları üzrə ümumilikdə 380 teledərs çəkilib.
Əlavə edək ki, 2020-ci ilin əvvəlindən dünyanı sarmış COVID-19 pandemiyası təhsildə onlayn-distant metoda keçməyi zəruri edib. Bu baxımdan Azərbaycan təhsil sistemi ilk günlər müəyyən problemlərlə qarşılaşsa da sonrakı mərhələdə durumu idarə etməyi bacarıb. Artıq yetərincə təcrübə və resurs yaradılıb ki, istənilən səviyyədə tədrisi təşkil etmək mümkün olsun. Peşə təhsili sahəsində teledərslərin çəkiliş də məhz o qəbildəndir.
