Bayraqdar.info – Təhsil naziri Emin Əmrullayev iyunun 14-də ölkədə keçirilən “Son zəng”i Goranboy rayonunun Tapqaraqoyunlu kənd orta məktəbində qarşılayıb. O, bununla bağlı özünün sosial media hesabında yazıb, eyni zamanda şəkillər də paylaşıb.
“Bu gün “Son zəng”i Goranboy rayonu Tapqaraqoyunlu kənd tam orta məktəbində qarşılayırıq. 1993-cü ildən Azərbaycanın Milli Qəhrəmanı, məktəbin məzunu, şəhid Niyazi Aslanovun adını daşıyan məktəb hər iki Qarabağ müharibəsi zamanı daim atəşə məruz qalıb. Neçə-neçə uğurlu məzun yetişdirən bu məktəbi daha 21 şagird bitirir. Məzunlarımız “Son zəng”i Qələbə sevinci ilə yola salırlar”, – deyə nazir qeyd edib.
