Bayraqdar.info – Azərbaycan Musiqi Mədəniyyəti Dövlət Muzeyi yeni “Muzeydə görüşürük” silsiləsinə başlayır.
İyunun 10-da bu silsilədən Muzeydə Ü.Hacıbəyli adına Bakı Musiqi Akademiyasının baş müəllimi, beynəlxalq müsabiqə laureatı Səbinə Bəylərbəyovanın musiqili uşaqlar kursunun konserti keçirilib.
Daha sonra Əməkdar artisti, aktyor, şoumen və naşir Bəhram Bağırzadə ilə görüş olub.
Xəbər bayraqdar.info-ya Muzeydən verilib.
Görüşdə Muzeyin direktoru, sənətşünaslıq üzrə fəlsəfə doktoru, Əməkdar mədəniyyət işçisi Alla Bayramova çıxış edib. O, gənc nəslin və uşaqların mənəvi tərbiyəsində, muzeyə maraqlarının artmasında bu cür tədbirlərin böyük əhəmiyyəti olduğunu qeyd edib.
Tədbirin birinci hissəsində S.Bəylərbəyovanın kursunun şagirdləri konsert proqramı ilə çıxış edərək Azərbaycan və Avropa bəstəkarlarının əsərlərini ifa ediblər.
Tədbirin sonunda Muzeyin direktoru B.Bağırzadəyə Muzeyin çap məhsullarını hədiyyə edib.
