Son yeniləmə: 11 İyun 2021 11:07
Bayraqdar.info – İyunun 11-də Təhsil Nazirliyi sisteminə daxil olan ümumi təhsil müəssisələrinə müəllimlərin işə qəbulu üzrə elektron sənəd qəbulu yekunlaşır.
Namizədlər iyunun 11-i saat 23:59-dək qeydiyyatdan keçə bilər.
Məlumatı iyunun 11-də Təhsil Nazirliyi verib.
“Müsabiqədə ali və orta ixtisas təhsili müəssisələrini pedaqoji ixtisaslar üzrə bitirmiş, diplom almış və ya xarici ölkədə aldığı ali təhsil haqqında sənədi tanınmış Azərbaycan vətəndaşları iştirak edə bilər. Həmçinin, Azərbaycanda daimi yaşamaq üçün icazə verilmiş şəxslər də bu müsabiqədə iştirak edə bilərlər.
Eyni zamanda, müsabiqəyə orta ixtisas və ali təhsil müəssisələrində pedaqoji ixtisaslar üzrə təhsil alan sonuncu kurs tələbələri də qoşula bilər”, – deyə nazirlik qeyd edir.
