Bayraqdar.info – “İçərişəhər” Dövlət Tarix-Memarlıq Qoruğu İdarəsində Nizami Gəncəviyə həsr olunmuş elmi-praktik seminar təşkil edilib. Seminar BDU Şərqşünaslıq fakültəsinin professoru Aida Qasımovanın “N.Gəncəvinin “Yeddi gözəl” əsərinin ərəb qaynaqları” adlı onlayn mühazirəsi əsasında keçirilib.
Xəbər bayraqdar.info-ya İdarədən verilib.
Tədbir filologiya üzrə fəlsəfə doktoru İradə Musayevanın moderatorluğu ilə keçirilib.
Fəlsəfə elmləri doktoru Könül Bünyadzadə, professorlar Rəhilə Qeybullayeva, Seyfəddin Rzasoy, Sənan İbrahimov və şərqşünas alim, dosent Əsmətxanım Məmmədovanın çıxışları dinlənilib.
Daha sonra Azərbaycan Dövlət Pedaqoji Universiteti tələbələrinin ifasında N.Gəncəviyə həsr edilmiş kompozisiya nümayiş edilib.
