Bayraqdar.info – İyunun 8-i ali və orta təhsil müəssisələrinə ərizə qəbulunun sonuncu günüdür.
Bu barədə Dövlət İmtahan Mərkəzindən xəbər verilib.
Bildirilir ki, ərizənin təsdiqi DİM-in informasiya sistemlərində abituriyent barədə olan məlumatların yetərli olub-olmamasından asılı olaraq iki üsulla həyata keçirilir.
Abituriyentlərin böyük əksəriyyəti ərizələrini özləri təsdiq edirlər. Həmin abituriyentlər ərizələrini 8 iyun saat 23:59-dək təsdiq etməlidir.
Elektron ərizələrini Sənəd Qəbulu Komissiyalarında (SQK) təsdiq etdirməli olan abituriyentlər onu doldurduqdan sonra 8 iyun saat 17:00-dək şəxsən təqdim etməlidirlər.
DİM qeyd edir ki, ali və orta ixtisas təhsili müəssisələrinə qəbul olmaq üçün müsabiqədə yalnız ərizəsini təsdiq etmiş (etdirmiş) abituriyentlər iştirak edə bilərlər.
