Press "Enter" to skip to content

Azərbaycan pəhləvanları Macarıstanda məşq edir

Yazar: Sevda Əskər. Tarix: 7 İyun 2021 10:53

Bayraqdar.info – Azərbaycan Yunan-Roma güləşçiləri Macarıstanda təlim-məşq toplanışı keçirir.

Xəbər Azərbaycan Güləş Federasiyasından verilib.

Tokio Olimpiadasına hazırlıqlar intensiv şəkildə davam edir. Olimpiadaya lisenziya qazanan Rafiq Hüseynov (77 kq) və İslam Abbasov (87 kq) baş məşqçi Aleksandr Tarakanovun rəhbərliyi altında məşqlər aparır.

Yerli komanda ilə birgə mayın 25-dən Macarıstanda təlim-məşq toplanışına başlayan pəhləvanlar həm fiziki, həm də taktiki-texniki çalışmalarda iştirak edir.

Federasiyadan bildirilir ki, hər iki güləşçi iyunun 8-dən 13-nə kimi Polşanın paytaxtı Varşavada baş tutacaq beynəlxalq turnirdə qüvvəsini sınayacaq.

Bölmə: İDMAN

Sevda Əskər
Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər

Bölmənin başqa yazıları: İDMANİDMAN bölməsinin başqa yazıları »
Mission News Theme by Compete Themes.