Son yeniləmə: 4 İyun 2021 12:06
Bayraqdra.info – M.F.Axundzadə ad. Azərbaycan Milli Kitabxanasının əməkdaşları “Qeyri-səlis məntiq nəzəriyyəsinin banisi – Lütfi Zadə” adlı elektron məlumat bazası hazırlayıb. İyunun 4-də Kitabxana məlumat bazasını istifadəçilərə təqdim edib.
Kitabxanadan bildirilib ki, bu il dünya şöhrətli alimin 100 yaşı tamam olur.
Lütfi Zadənin yubileyinin keçirilməsi ilə əlaqəadar Prezident İlham Əliyev Sərəncam verib.
Lütfi Zadə fundamental nəzəriyyələri ilə elm tarixində ciddi dəyişikliklərə yol açmış görkəmli şəxsiyyətlərdəndir. Alimin irəli sürdüyü qeyri-səlis məntiq nəzəriyyəsi müxtəlif elm sahələrinin müasir mərhələdə inkişafında dərin iz qoyub.
Elektron məlumat bazası bir neçə bölmədən ibarətdir. “Rəsmi sənədlər”, “Qeyri-səlis məntiq nəzəriyyəsinin banisi – Lütfi Zadə”, “Həyat və yaradıcılığının əsas tarixləri”, “Əsərləri”, “Lütfi Zadənin sevimli aforizm və zarafatları” və s. Məlumat bazasında “Fotoqalereya” və “Videoqalereya” bölmələri də var.
