Son yeniləmə: 4 İyun 2021 15:12
Bayraqdar.info – İyunun 4-də kimya, biologiya və informatika fənləri üzrə fənn olimpiadalarının Respublika mərhələsinin final turu keçirilib. Fizika, riyaziyyat və informatika təmayüllü liseydə kimya və biologiya fənləri üzrə, ADA universitetində isə informatika fənni üzrə final turu baş tutub.
Təhsil Nazirliyindən verilən xəbərə görə, kimya fənni üzrə 75, biologiya üzrə 73, informatika üzrə isə 77 şagird iştirak edib.
İnformatika fənninin olimpiada turunda iştirak edən təhsil nazirinin müavini Firudin Qurbanov iştirakçılara uğurlar arzulayıb.
Respublika fənn olimpiadalarının final turunun nəticələri yoxlama və münsiflər heyətinin iştirakı ilə yazı işlərinə baxış prosesindən sonra elan olunacaq.
Nazirlik qeyd edir ki, Respublika fənn olimpiadaları “Kapital Bank”ın sponsorluğu ilə həyata keçirilir.
