Fuad Hüseynzadə: Pendemiya dövründə Azərbaycan beynəlxalq tərəfdaşlar qarşısında diqqətli və məsuliyyətli addımları ilə seçilib
Bayraqdar.info – “Hazırda bütün dünyada koronavirus pandemiyasına qarşı mübarizə aparılır. Sevindirici haldır ki, Azərbaycan dövlətinin koronavirusla mübarizə metodu bir çox ölkələr üçün nümunə olub. Bu faktı bir çox beynəlxalq ekspertlər də dəfələrlə vurğulayıblar. Həmçinin Azərbaycan pandemiya dövründə müxtəlif ölkələrə və beynəlxalq təşkilatlara yardımlar edib. Bu o deməkdir ki, pandemiya dövründə Azərbaycan beynəlxalq tərəfdaşlar qarşısında diqqətli və məsuliyyətli addımları ilə seçilib.”
Bunu bayraqdar.info-ya açıqlamasında Diaspor Fəaliyyətinə Jurnalistlərin Dəstəyi İctimai Birliyinin sədri Fuad Hüseynzadə deyib.
Onun sözlərinə görə, pandemiya dövründə əhalinin sosial vəziyyətinin yaxşılaşdırlması istiqamətində də dövlət tərəfindən dəstək layihələri həyata keçirlib. Xüsusən sahibkarlara maliyyə yardımı paketləri verilib. Bununla yanaşı, bir çox sahələrdə əhaliyə sosial güzəştlər edilib. Pandemiya ilə mübarizədə Azərbaycan ilk günlərdən qabaqlayıcı tədbirlər görərək məqsədə nail olub. Ən əsası isə ölkə başçısı səviyyəsində vəziyyət diqqət və nəzarətdə saxlanılıb. Ölkədə görülmüş bu müfəssəl tədbirlər nəticəsində karantin rejimi tədricən yumşaldılıb.
Hazırda pandemiyanın qarşısının alınmasının ən effektiv metodu olaraq dünya əhalisi arasında vaksinasiya prosesi başlayıb. Çox müsbət haldır ki, Azərbaycan Cənubi Qafqazda ilk olaraq vaksinasiya işlərinə başlayıb: “Azərbaycanda vaksinasiya prosesi uğurla həyata keçirilir. Əhali hökumətin pandemiya ilə bağlı siyasətini dəstəkləyərək qaydalı və könüllü şəkildə peyvənd olunur. Bütün bunlar Azərbaycan dövlətinin pandemiya ilə mübarizə sahəsində həyata keçirdiyi effektiv siyasətin göstəricisidir”.
