Son yeniləmə: 31 May 2021 12:12
Bayraqdar.info – Gənclər və İdman Nazirliyindən verilən xəbərə görə, 2021-ci ilin iyul-oktyabr aylarında azərbaycanlı məktəbli və tələbələr iki beynəlxalq Robot Olimpiadasında iştirak edəcək.
İyulun 24-də işə başlayacaq 4-cü Dünya Robot Olimpiadası 8-19 yaş arası məktəblilər və tələbələr arasında baş tutacaq.
Olimpiada Gənclər və İdman Nazirliyi, Nəqliyyat, Rabitə və Yüksək Texnologiyalar Nazilriyi, Gənclərin Təhsil, Təlim, Peşə və İnkişaf Mərkəzi və AREA – Azərbaycan Robotexnika Mühəndisliyi Akademiyasının birgə təşkilatçılığı ilə keçirilcək.
Uşaqlar əsas kateqoriya üzrə 3 müxtəlif yaş qrupunda – ibtidai (8-12), orta (13-15), yuxarı (16-19) və “Açıq” kateqoriya üzrə öz bilik və bacarıqlarını nümayiş etdirəcəklər.
Xəbərdə deyilir ki, bundan başqa, oktyabr ayında iştirakçılar ilk dəfə olaraq dünya arenasında RVG (Robot Virtual Games) yarışmalarında özlərini sınayacaqlar.
Yarış iştirakçıları VRT (Virtual Robotics Toolkit) proqram təminatının təqdim etdiyi mövcud yarış xəritələri üzərində test edə bilərlər. Eləcə də, robotvirtualgames.com vasitəsilə yeni paylaşılmış beynəlxalq yarışlar üzərində öz robotlarını da təcrübədən keçirə bilərlər.
Hər iki yarışda iştirak haqları və VRT proqram təminatının 1 illik lisenziyaları GİN tərəfindən ödənişsiz olaraq təmin ediləcək.
Olimpiada yarışları online – VRT platforması üzərindən həyata keçiriləcək.
