Bayraqdar.info – 28 May – Respublika Günü münasibətilə ölkəmizə dünya ölkələrindən təbriklər daxil olmaqda davam edir. Eyni zamanda, bir sıra dost və qardaş ölkələrin dövlət qurumlarının sosial şəbəkə hesablarında da bu əlamətdar gün münasibətilə təbrik mətnləri yerləşdirilir.
Bu sırada Kuzey Kıbrıs Türk Cümhuriyyətinin Xarici İşlər Nazirliyi də var. KKTC xarici siyasət idarəsinin facebook sosial şəbəkəsində Azərbaycanın və KKTC-nin dövlət bayraqlarının qoşa şəkilləri ilə yanaşı aşağıdakı mətn də yerləşdirilib: “Dost və qardaş Azərbaycan xalqını 28 may Respublika Günü münasibətilə təbrik edirik”.
Dost ve kardeş Azerbaycan Halkını 28 Mayıs Cumhuriyet Bayramı (Respublika Günü) münasebetiyle tebrik ederiz. pic.twitter.com/b9PgAFNBOf
— Dışişleri Bakanlığı (@KKTC_Disisleri) May 28, 2021
Əlavə edək ki, Azərbaycanla KKTC arasında məlum səbəbdən rəsmi diplomatik münasibətlər qurulmasa da hər iki dövlət və onların xalqları bir-birinə çox qaynayıb-qarışıb. Yəni diplomatik münasiblərin yoxluğu hər iki tərəf üçün hər hansı əngələ səbəb olmur. O baxımdan KKTC-nin də digər dövlətlərlə yanaşı Azərbaycanın xoş günündə də, ağır günündə də yanında olması ölkəmizdə böyük təqdirlə qarşılanır.
Eyni qaydada Azərbaycan da KKTC və onun xalqının yanındadır.
