Son yeniləmə: 27 May 2021 10:35
Bayraqdar.info – Türkiyənin Konya şəhərində keçirilən və Azərbaycan Ordusu hərbi qulluqçularının da qatıldığı “Anatolian Phoenix-2021” beynəlxalq axtarış-xilasetmə təlimi davam edir.
Müdafiə Nazirliyinin mətbuat xidmətindən bildirilib ki, beynəlxalq təlimdə paraşüt hazırlığı üzrə məşqlər keçirilib.
Məşqlərin keçirilməsində əsas məqsəd şəxsi heyətin paraşütlərdən istifadə vərdişlərinin təkmilləşdirilməsidir. Həmçinin bu təlimlər onların döyüş və xüsusi hazırlıq səviyyəsini daha da artıracaq.
Təlim iyunun 4-dək davam edəcək.
